Катедрала Свети Бонавентура

Првата катедрала во готски стил била изградена во периодот 1885-1887 година. Еден месец откако пристигнал во Бања Лука, фра Маријан Марковиќ на 16 јули 1884 година го поставил камен-темелникот на првата катедрала на земјиштето што го доделила Земската влада од Сараево. Изградбата чинела тогашни 26.000 форинти и била завршена во 1887 година со помош на многубројни дарители, особено на трапистите од манастирот Марија Ѕвезда. Паралелно со неа бил изграден и бискупскиот двор. Катедралата била тешко оштетена во катастрофалниот земјотрес што се случил во Бања Лука во 1969 година, поради што морала да биде целосно урната.

Новата катедрала била изградена во 1972-1973 година во современ стил во облик на шатор, што потсетува на старозаветниот шатор како место за молитва и жртва н...

Првата катедрала во готски стил била изградена во периодот 1885-1887 година. Еден месец откако пристигнал во Бања Лука, фра Маријан Марковиќ на 16 јули 1884 година го поставил камен-темелникот на првата катедрала на земјиштето што го доделила Земската влада од Сараево. Изградбата чинела тогашни 26.000 форинти и била завршена во 1887 година со помош на многубројни дарители, особено на трапистите од манастирот Марија Ѕвезда. Паралелно со неа бил изграден и бискупскиот двор. Катедралата била тешко оштетена во катастрофалниот земјотрес што се случил во Бања Лука во 1969 година, поради што морала да биде целосно урната.

Новата катедрала била изградена во 1972-1973 година во современ стил во облик на шатор, што потсетува на старозаветниот шатор како место за молитва и жртва на Бога, како и на страдањата на локалните верници кои по земјотресот долго време живееле под шатори. Камбанаријата до катедралата, на која има пет ѕвона и часовник, била изградена во 1990 година. Катедралата дури неодамна била целосно завршена и темелно обновена, и била посветена на 1 декември 2001 година на 120-годишнината од основањето на бискупијата.

Покрај катедралата, во 1885 година била изградена бискупската куќа, која подоцна повеќепати била доградувана, а пред неколку години била преуредена во медицински центар на Каритас со амбуланти кои им стојат на располагање на бројни сиромашни пациенти, без разлика на нивната национална или верска припадност.

Како бискупски ординаријат служи Свештеничкиот дом, изграден во 1989 година, во кој се сместени службените простории на ординаријатот, станови за бискупот и неговите најблиски соработници, како и за старите и болните свештеници. Тука се сместени и бројни бискупски канцеларии и институции: Iustitia et Pax, Катехетски уред, Бискупски архив и книжарница, итн.